Հ.Օ.Մ.ի Քայլերգը
Մենք՝ ուխտեալներ Հայ Օգնութեան սուրբ գործին,
Լոյսի բանակ եւ գթութեան Խաչուհի,
Գոյամարտին մէջ Սրբազան մեր Դատին՝
Մենք կը բերենք հայ կնոջ սիրտը ոսկի։
Օտաար երկրի հովերուն դէմ մոլեգին,
Հայ դպրութեան ջահը պահենք մշտավառ,
Եւ թող շունչ տայ հայ օճախի կրակին՝
Մեր շրթերուն վրայ ծաղկող ամէն բառ։
Մենք՝ ուխտեալներ Հ.Օ.Մ.ի պայծառ դրօշին,
Միշտ կը մնանք արի պահակն անցեալի,
Մինչեւ կը ծագի արդարութեան վառ արփին,
Մինչեւ հասնինք սէգ Սարերուն Հայրենի։
Leave a Reply